Putin to‘qqiz general va ikki polkovnikni lavozimidan ozod qildi

Foto: Mixail Metsel / TASS

Rossiya prezidenti Vladimir Putin kuch tuzilmalaridagi to‘qqiz nafar general va ikki nafar polkovnikni lavozimidan ozod qildi. Bu haqda o‘z manbalariga tayanib RBK xabar bermoqda.

Lavozimidan bo‘shatilgan generallar orasida Rossiya tergov qo‘mitasining Moskva viloyati bo‘yicha rahbari Andrey Markov, Tatariston bo‘yicha rahbari Pavel Nikolayev, Krasnoyarsk bo‘yicha rahbarining birinchi o‘rinbosari Aleksandr Rasstrigin bor. Shuningdek tergov qo‘mitasi rahbarining katta yordamchisi Irina Zeybert ham lavozimidan ozod qilingan.

Qayd etilishicha, Putinning farmoni bilan, shuningdek 40dan ortiq kuch tuzilmalari xodimlari tegishli lavozimlarga tayinlangan.