19:20 / 09.02.2019
6912
Порошенко президент сайлови ҳалол бўлиб ўтишига кафолат беришини билдирди
Фото: РИА Новости

Украина президенти Пётр Порошенко президент сайлови ҳалол ва шаффоф бўлиб ўтишига кафолат беришини билдирди, деб хабар берди РИА Новости.

"Украина давлати ва унинг қонунга риоя қилиш, сайлов жараёнининг тартибли ва ҳалол бўлиб ўтишига жавобгар тузилмалари ўз вазифаларини бажармоқда. Бунга 2018 йил сентябрда Олий Радага қилган мурожаатимда кафолат бергандим. Бу кафолат сўнгги овоз ҳисоблангунига қадар ўз кучида қолади ва амал қилади", деди у.

Украинада президент сайлови 31 мартда бўлиб ўтади. Президент лавозимига рекорд миқдорда – 44 нафар номзод даъвогарлик қилмоқда.

Ижтимоий сўровларга кўра, президент сайлови рейтингида номзод Владимир Зеленский етакчилик қилмоқда. Кейинги ўринларда Юлия Тимошенко ва Пётр Порошенко бормоқда.

Мавзу
Украинада президентлик сайловлари
2019 йилнинг 31 мартида Украинада президентлик сайловлари ўтказилади. Сайловда иштирок этиш учун 44 номзод, шу жумладан мамлакатнинг амалдаги президенти Пётр Порошенко ҳужжат топширган.
Барчаси
Top