Xitoy kompaniyasi smartfon va aqlli soatning gibridini taqdim qildi

Foto: Social Nubia / youtube
Xitoyning Nubia kompaniyasi o‘zidan smartfon va aqlli soat gibridini aks ettiruvchi Alpha qurilmasini taqdim qildi. Gadjet Barselonada o‘tayotgan MWC ko‘rgazmasida namoyish qilindi.
Nubia Alpha brasletga o‘rnatilgan egiluvchi displeyli qurilma bo‘lib, OLED-ekran diagonali 4 dyuymni tashkil qiladi. Qurilma taqib yuriluvchi elektronikaga mo‘ljallangan Qualcomm Snapdragon Wear 2100 protsessorida ishlaydi. Gadjetning tezkor xotirasi 1 Gbni, ichki xotirasi esa 8 Gbni tashkil qiladi.

Qo‘lga taqiluvchi smartfonning batareyasi sig‘imi 500 mA-soatni tashkil qilsa-da, bu uni qayta quvvatlashsiz 1-2 kun ishlatishga yetadi. Qurilma 5 Mpli kamera bilan jihozlangan.

Kompaniyaning o‘zi ishlab chiqargan operatsion tizimda ishlovchi qurilma oddiy smart-soatlar kabi imkoniyatlar, jumladan qadamlarni sanash, uyqu va pulsni monitoring qilish funksiyalariga ega. Gadjetni ovozli buyruqlar va ekran ustidagi imo-ishoralar yordamida boshqarish mumkin. Nubia Alpha’ning virtual SIM-kartaga ega eSIM versiyasi smartfonning o‘rnini bosishi mumkin. Bunday qurilmalar foydalanuvchiga qo‘ng‘iroqlarni amalga oshirish va sms-xabarlar jo‘natish imkonini beradi.
Nubia Alpha’ning Bluetooth va Wi-Fi’li versiyasi xalqaro bozorda 449 yevrodan taklif qilinadi. eSim versiyasining qora qoplamali varianti Xitoy bozorida 549 yevrodan, 18 qirotli oltin qoplamali varianti esa 649 yevrodan aprelda paydo bo‘ladi. Gadjetning bu versiyasi AQSh va Yevropada 2-yarim yillikda sotuvga chiqariladi.
Tavsiya etamiz
Chigirtkalar bosqini: Bu ham iqlim bilan bog‘liq muammomi?
O‘zbekiston | 15:49 / 14.05.2025
«Eng kambag‘al prezident» Xose Muxika vafot etdi
Jahon | 08:03 / 14.05.2025
Toshkentda yo‘l o‘rtasidagi birinchi tezyurar yo‘lak qurilishi boshlanadi
O‘zbekiston | 19:08 / 13.05.2025
1 iyundan O‘zbekiston va Xitoy o‘rtasida 30 kunlik vizasiz rejim kuchga kiradi
O‘zbekiston | 17:29 / 13.05.2025
So‘nggi yangiliklar
Mavzuga oid

17:55 / 12.05.2025
Apple deyarli butunlay shisha iPhone chiqaradi

17:30 / 29.03.2025
Maktablarda smartfonlarni taqiqlashning o‘zi yetarli emas – tadqiqot

15:25 / 24.03.2025
Smartfonni almashtirish uchun optimal muddat ma’lum qilindi

12:38 / 11.03.2025