8455.37 USD +4.00

9554.57 EUR +77.20

131.53 RUB +2.16

11060.5 GBP +43.26

18:47 / 06.03.2019 12578

Президентнинг айрим ҳужжатларига ўзгартириш ва қўшимчалар киритилди

Иллюстратив фото

Ўзбекистон Республикаси Президенти «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги фармонни имзолади.

Ҳужжат Ўзбекистон Республикаси Президентининг 2018 йил 1 августдаги “Ўзбекистон Республикасида инвестиция муҳитини тубдан яхшилаш чора- тадбирлари тўғрисида”ги ПФ-5495-сон, 2018 йил 30 октябрдаги “Товар бозорларида савдони янада эркинлаштириш ва рақобатни ривожлантириш чора-тадбирлари тўғрисида”ги ПФ-5564-сон фармонлари ва 2018 йил 29 июндаги “Ўзбекистон Республикасининг ташқи иқтисодий фаолиятини янада тартибга солиш ҳамда божхона-тариф жиҳатдан тартибга солиш тизимини такомиллаштириш чора-тадбирлари тўғрисида”ги ПҚ-3818-сон қарорига мувофик, шунингдек, чарм ва қоракўл маҳсулотларини экспорт қилишда рухсат бериш тартиб-таомилларининг қисқартирилаётганлиги муносабати билан қабул қилинди.

Фармонга мувофиқ, Ўзбекистон Республикаси Президентининг 1995 йил 12 майдаги “Халқ хўжалигида ҳисоб-китоблар ўз вақтида ўтказилиши учун корхона ва ташкилотлар раҳбарларининг масъулиятини ошириш борасидаги чора-тадбирлар тўғрисида”ги ПФ-1154-сон Фармони 4-банди ўз кучини йўқотган деб топилди.

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар:

Ўзбекистон Республикаси Президентининг 1994 йил 20 апрелдаги ПФ-837-сон Фармони билан тасдиқланган Экспорт-импорт операциялари бўйича валюта назорати тўғрисидаги низомнинг 10-бандида:

биринчи-учинчи хатбошилар чиқариб ташланди;

тўртинчи-тўққизинчи хатбошилар тегишинча биринчи-олтинчи хатбошилар деб ҳисобланди.

Ўзбекистон Республикаси Президентининг 1996 йил 9 августдаги “Бюджет билан ҳисоб-китоблар учун хўжалик юритувчи субъектларнинг масъулиятини ошириш чора-тадбирлари тўғрисида”ги ПФ-1504-сон Фармони 3-банди бешинчи хатбошиси қуйидаги таҳрирда баён этилди:

“нақд пул тушумига эга бўлган барча хўжалик юритувчи субъектлар нақд пул тушумини банкларга топширадилар. Бунда, энг кам иш ҳақининг 20 бараваридан ортиқ миқдорда кунлик ўртача нақд пул тушумига эга бўлган хўжалик юритувчи субъектлар нақд пул тушумини банк кассаларига ҳар куни инкассация хизмати орқали ёки мустақил равишда топширадилар. Кўрсатилган ҳажмдан кам бўлган кунлик ўртача нақд пул тушумига эга бўлган хўжалик юритувчи субъектлар нақд пул тушумини банк кассаларига инкассация хизматлари орқали ўзлари белгилайдиган даврларда ёки мустақил равишда топшириш ҳуқуқига эга”.

Ўзбекистон Республикаси Президентининг 1996 йил 30 ноябрдаги “Хорижий сармоялар иштирокидаги корхоналарга бериладиган қўшимча рағбатлантириш омиллари ва имтиёзлар тўғрисида”ги ПФ-1652-сон Фармони 1-бандида:

иккинчи хатбошидаги “600” рақами “400” рақами билан алмаштирилди;

учинчи хатбоши чиқариб ташланди;

тўртинчи ва бешинчи хатбошилар тегишинча учинчи ва тўртинчи хатбошилар деб хисобланди;

учинчи хатбошидаги “30” рақами “15” рақами билан алмаштирилди.

Ўзбекистон Республикаси Президентининг 2002 йил 11 июндаги “Қоракалпоғистон Республикаси ва Хоразм вилоятида кичик корхоналарни ривожлантиришни рағбатлантириш борасидаги қўшимча чора-тадбирлар тўғрисида”ги ПФ-3090-сон Фармони 1-бандида биринчи хатбоши қуйидаги таҳрирда баён этилди:

“1. Белгилансинки, устав жамғармасининг миқдори камида 200 млн сўм бўлган ҳамда белгиланган бошқа шартларга жавоб берадиган корхоналар Қоракалпоғистон Республикаси ва Хоразм вилояти ҳудудида янги барпо этиладиган хорижий инвестициялар иштирокидаги корхоналар деб ҳисобланади”;

иккинчи хатбошидаги “75 минг АҚШ долларидан” сўзлари “200 млн сўмдан” сўзлари билан алмаштирилди.

Ўзбекистон Республикаси Президентининг 2003 йил 30 июндаги “Савдо ва умумий овқатланиш соҳасида солиққа тортиш тизимини тартибга солиш чора-тадбирлари тўғрисида”ги ПФ-3270-сон Фармони 4-банди “инкассация қилиш” сўзларидан кейин “(банкларга топшириш)” сўзлари билан тўлдирилди.

Ўзбекистон Республикаси Президентининг 2011 йил 24 августдаги “Кичик бизнес ва хусусий тадбиркорликни янада ривожлантириш учун қулай ишбилармонлик муҳитини шакллантиришга доир қўшимча чора-тадбирлар тўғрисида”ги ПФ-4354-сон Фармони 6-банди бешинчи хатбошисидан “энг кам иш ҳақининг йигирма баробари миқдоригача бўлган” сўзлари чиқариб ташланди.

Ўзбекистон Республикаси Президентининг 2017 йил 10 августдаги “Ўзбекистон Республикаси Ҳисоб палатаси фаолиятини тубдан такомиллаштириш чора-тадбирлари тўғрисида”ги ПФ-5147-сон Фармони 3-бандидаги “41” рақами “33” рақами билан алмаштирилди.

Ўзбекистон Республикаси Президентининг 2005 йил 15 апрелдаги “Нақд пул муомаласини такомиллаштириш ва банкдан ташқари айланмани қисқартириш борасидаги қўшимча чора-тадбирлар тўғрисида”ги ПҚ-57-сон карорида:

а) 1-банднинг иккинчи хатбошиси “инкассация қилиниши” сўзларидан кейин “(банкларга топширилиши)” сўзлари билан тўлдирилди;

б) 5-бандда:

учинчи хатбоши куйидаги таҳрирда баён этилсин:

“инкассация қилишда қабул қилинган схеманинг сўзсиз бажарилиши, республика ҳудудларида инкассация қилиш қоидаларига риоя этилиши устидан назорат ўрнатсин”;

тўртинчи хатбоши “инкассация қилинган” сўзларидан кейин “(банкларга топширилган)” сўзлари билан тўлдирилди.

Ўзбекистон Республикаси Президентининг 2005 йил 5 августдаги “Банклардаги депозит ҳисобварақлардан нақд пул тўловларини узлуксиз таъминлаш кафолатлари тўғрисида”ги ПҚ-147-сон қарорида 6-банд қуйидаги таҳрирда баён этилди:

“6. Ўзбекистон Республикаси Марказий банки:

тижорат банкларини уларнинг филиаллари буюртмалари асосида Ўзбекистон Республикаси Марказий банкидаги вакиллик ҳисобварақларидаги маблағлари доирасида, шу жумладан ҳисоб-китоб-касса марказларидаги захира жамғармалари ва айланма касса маблағлари ҳисобидан нақд пул маблағлари билан чекланмаган миқдорда таъминласин;

нақд пулга бўлган талабни узлуксиз таъминлашни назарда тутган ҳолда республика ҳудудлари ўртасида нақд пулларни қайта тақсимлаш ишларини амалга оширсин”;

7-банд ўз кучини йўқотган деб топилди.

Ўзбекистон Республикаси Президентининг 2008 йил 27 мартдаги “Нақд пул маблағларини жалб қилиш ва унга бўлган эҳтиёжни таъминлаш борасидаги қўшимча чора-тадбирлар тўғрисида”ги ПҚ-822-сон қарорида:

а) 1 -банд қуйидаги таҳрирда баён этилди:

“1. Ўзбекистон Республикаси Марказий банки:

мижозларнинг накд пулга бўлган талабларини таъминлаш учун тижорат банклари кассаларида нақд пуллар етарлилиги бўйича доимий мониторинг ўрнатсин;

Ўзбекистон Республикаси Марказий банкининг ҳудудий бош бошқармалари орқали туманлар (шаҳарлар) ўртасида нақд пулларни қайта тақсимлаш ишларини амалга оширсин;

тижорат банкларини уларнинг филиаллари буюртмалари асосида Ўзбекистон Республикаси Марказий банкидаги вакиллик ҳисобварақларидаги маблағлари доирасида, шу жумладан ҳисоб-китоб-касса марказларидаги захира жамғармалари ва айланма касса маблағлари ҳисобидан нақд пул маблағлари билан чекланмаган микдорда таъминласин”;

б) 3-бандда:

биринчи хатбошидан “бир ой муддатда” сўзлари чиқариб ташланди;

учинчи ва тўртинчи хатбошилар қуйидаги таҳрирда баён этилди:

“инкассация хизмати фаолиятини такомиллаштириш;

аҳолидан коммунал ва бошқа хизматлар учун тўловларни қабул қилувчи ўз ўзига хизмат кўрсатувчи банк ускуналари (инфокиоскалар, банкоматлар) тармоғини кенгайтириш, банк хизматларига бўлган талаб ва ўзини қоплашини ҳисобга олган ҳолда махсус кассаларни ташкил этиш”.

Ўзбекистон Республикаси Президентининг 2009 йил 26 январдаги “Озик-овқат маҳсулотлари ишлаб чиқаришни кенгайтириш ва ички бозорни тўлдириш юзасидан қўшимча чора-тадбирлар тўғрисида”ги ПҚ-1047-сон қарори 5-банди учинчи хатбошисидаги “ҳар куни инкассация қилиниши шарт” сўзлари “инкассация қилинади (банкларга топширилади)” сўзлари билан алмаштирилди.

Ўзбекистон Республикаси Президентининг 2013 йил 29 январдаги “Мамлакатимизда ишлаб чиқарилган маҳсулотларнинг рақобатдошлилигини янада ошириш ва товарларни республикага ноқонуний олиб киришга қарши курашни кучайтириш тўғрисида”ги ПҚ-1913-сон қарори 3-бандидан учинчи хатбоши чикариб ташланди.

Ўзбекистон Республикаси Президентининг 2013 йил 24 декабрдаги ПҚ-2095-сон карори билан тасдиқланган Ўзбекистон Республикасининг консуллик йиғимлари тарифининг рус тилидаги матни 4-моддасида:

қуйидаги мазмундаги ўн олтинчи хатбоши билан тўлдирилди:

“- до трех лет 350 долларов США”;

ўн олтинчи-ўн тўққизинчи хатбошилар тегишинча ўн еттинчи- йигирманчи хатбошилар деб ҳисобланди.

Ўзбекистон Республикаси Президентининг 2017 йил 15 февралдаги “Пул муомаласини янада такомиллаштириш ва банк пластик карточкаларидан фойдаланган ҳолда ҳисоб-китобларни ривожлантириш чора-тадбирлари тўғрисида”ги ПҚ-2777-сон қарори 2-банди учинчи хатбошисидаги “ўз вақтида ва тўла ҳажмда инкассация қилиш” сўзлари “инкассация қилиш (банкларга топшириш)” сўзлари билан алмаштирилди.

Ўзбекистон Республикаси Президентининг 2018 йил 3 майдаги “Чарм-пойабзал ва мўйначилик соҳаларини ривожлантириш ва экспорт салоҳиятини оширишни янада рағбатлантириш чора-тадбирлари тўғрисида”ги ПҚ-3693-сон қарорида:

3-банд қуйидаги таҳрирда баён этилди:

“5. Белгилаб кўйилсинки:

Ўзбекистон Республикасининг божхона чегараси оркали чарм хомашёси (ностандартлари ҳам киради), момиқ мўйна хомашёси, шу жумладан коракўл (ностандартлари ҳам киради) хомашёсини (ТИФ ТН бўйича 4101-4107, 4112 00 000 0-4114, 4301-4302 кодлари) олиб чиқиш Ўзбекистон Республикаси Президенти ёки Ўзбекистон Республикаси Ҳукумати карорлари асосида амалга оширилади;

Ўзбекистон Республикасининг божхона чегараси орқали ярим тайёр чармни (ТИФ ТН бўйича 4104, 4105, 4106 21 000 0 кодлари) олиб чиқишда экспорт қилинадиган маҳсулот қийматининг 5 фоизи миқдорида йиғим ундирилади.

Уюшма Ўзбекистон Республикаси Инвестициялар ва ташқи савдо вазирлиги билан биргаликда Ўзбекистон Республикасининг божхона чегараси орқали чарм ва момиқ мўйна хомашёсини олиб чиқишни мониторинг қилиш тартиби тўғрисидаги низом лойиҳасини Вазирлар Маҳкамасига киритсин”;

4-банд иккинчи хатбошиси қуйидаги таҳрирда баён этилди:

“Ўзбекистон Республикасининг божхона чегараси орқали ярим тайёр чармни (ТИФ ТН бўйича 4104, 4105, 4106 21 000 0 кодлари) олиб чиқишда ундириладиган йиғимдан тушадиган барча маблағлар”.

Теглар

Top