Samarqand viloyatiga yangi bosh arxitektor tayinlandi

Samarqand viloyati hokimligida yangi tayinlov amalga oshirildi.

Samarqand shahri hokimligi matbuot xizmati xabar berishicha, Samarqand shahar hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari lavozimida ishlab kelayotgan Bobir Elmuradov 2019 yil 11 martidan Samarqand viloyati qurilish bosh boshqarmasi boshlig‘ining o‘rinbosari etib tayinlandi.

Shuningdek, u endi Samarqand viloyatining bosh arxitektori hisoblanadi.

Eslatib o‘tamiz, mart oyi boshida Samarqand viloyati arxitektura va qurilish Bosh boshqarmasi boshlig‘i o‘rinbosari, viloyat bosh arxitektori, senator Norqul Saidovich Sodiqov ishdan olingandi.