Agarda AQSh Yevropada raketa joylashtiradigan bo‘lsa, Rossiya ham o‘zining Yevropa qismida yangi raketalarini joylashtiradi. Bu haqda Rossiya tashqi ishlar vaziri o‘rinbosari Aleksandr Grushko «Mejdunarodnaya jizn» jurnaliga intervyusida aytdi.
Grushkoning so‘zlariga ko‘ra, shu tarzda Bryussel AQShning raketalar salohiyatini to‘xtatib turishdan manfaatdor bo‘ladi va «ana shunday rejalar paydo bo‘lsa, ularga qarshi chiqishi» kerak bo‘ladi.
O‘z navbatida NATO bosh kotibi Yyens Stoltenberg Rossiya hukumatining tajovuzkorona bayonotlariga qaramasdan, alyans Yevropa mamlakatlarida yangi raketalarni joylashtirishni mo‘ljallamayotganini ma'lum qildi.
Avvalroq AQSh O‘rta va kichik masofadagi raketalarni yo‘q qilish to‘g‘risidagi bitimda taqiqlangan raketalarni ishlab chiqishni boshlagani xabar qilingandi.
