O‘zbekiston hududi bo‘ylab kuchli yomg‘ir yog‘ishi ortidan aholiga noqulayliklar yuzaga kelishi davom etmoqda.
Tinimsiz yomg‘irlar ortidan Jizzax shahridagi eski shahar buyum bozorining ichki va tashqi taraflarini suv bosgan. O‘zA shahardagi manzara suratlarini keltirgan.
Oxirgi bir kun davomida kuchli yomg‘irlar yog‘ish oqibatida Samarqand shahridagi markaziy ko‘chalar suv ostida qoldi.
Shuningdek, kuchli yog‘ingarchiliklar oqibatida Qashqadaryo viloyatining tog‘li hududlaridagi qishloqlarga sel kelgan.
