Xitoyda 6 yoshli qizcha 26-qavatdagi xonadon oynasidan tushib ketib, tirik qoldi.
Ushbu holat pastdagi kuzatuv kamerasida qayd qilingan. Videoda qizcha oynadan tushib ketib, pastdagi avtoturargoh soyaboni tomini teshib o‘tganini ko‘rish mumkin. Qizcha yerga tushgach, o‘rnidan turib biroz oqsoqlagancha nari ketgan.
Qizchani o‘limdan avtoturargoh soyaboni qutqarib qolgan. Guvohlar qizchani mahalliy shifoxonaga olib borishgan, u yerda qizchaga qo‘l sinishi tashxisi qo‘yilgan.
Aniqlanishicha, qizcha kunduzi uyquda bo‘lganda bir o‘zi qoldirib ketilgan. U uyqudan turib, ota-onasini topolmagach, ko‘chaga chiqmoqchi bo‘lgan va bexosdan oynadan tushib ketgan.
