Pens AQSh Venesuela ko‘chalariga chiqqan odamlarni qo‘llab-quvvatlashini bildirdi

Foto: REUTERS / Carlos Garcia Rawlins

AQSh vitse-prezidenti Mayk Pens AQSh Venesuela muxolifati yetakchisi Xuan Guaydo va ko‘chalarga namoyishga chiqqan odamlarni qo‘llab-quvvatlashini ma'lum qildi.

"Biz siz bilanmiz! Ozodlik va demokratiya tiklanmagunicha Amerika sizlarni qo‘llab-quvvatlaydi", - deb yozdi u Twitter sahifasida.

Seshanba kuni Guaydo va uning tarafdorlari Karakasda "La-Karlota" harbiy bazasi oldida to‘plandi. Avvalroq Guaydo Venesuela xalqi va armiyani "Ozodlik" operatsiyasini yakuniga yetkazish uchun ko‘chalarga chiqishga chaqirgandi.

Venesueladagi vaziyat 23 yanvar kuni keskin tus oldi, o‘shanda Guaydo ommaviy aksiyalar fonida o‘zini vaqtincha prezident deb e'lon qilgandi. Uni AQSh, Lotin Amerikasi davlatlari va Yevropa Ittifoqi a'zolari tan olgan.

Mamlakatning amaldagi rahbari Nikolas Maduro bu voqeani davlat to‘ntarishiga urinish deb atadi. Rossiya, Xitoy, Turkiya va yana bir necha davlatlar Maduroni qonuniy prezident deb hisoblashda davom etmoqda.

Tayyorlagan: Дилшод Аскаров

#AQSh #namoyish #Venesuela

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi