"Тошкентга ташриф Россия-Ўзбекистон мулоқотининг ишончлилиги юқори даражада эканлигини кўрсатди, Ўзбекистон Республикаси Президенти Шавкат Миромонович Мирзиёевнинг жорий йилда Россия Федерациясига ташрифига тайёргарлик кўриш жараёнидаги устувор вазифаларни аниқлашга имкон берди", - дейилади Россия ТИВ сайтида берилган хабарда.
Бундан ташқари, вазирликнинг қайд этишича, Лавровнинг Ўзбекистонга ташрифи давомида у Президент Мирзиёев қабулида бўлди, Ўзбекистон ташқи ишлар вазири Абдулазиз Комилов билан музокара ўтказди, Россия ва Ўзбекистон ҳукуматлари раҳбарлари даражасидаги қўшма комиссиянинг биринчи мажлисига тайёргарлик муҳокама марказида бўлди.
