Pokiston janubidagi Gvadar shahrida joylashgan mehmonxonalardan biriga qurolli kishilar guruhi hujum qildi. Bu haqda o‘z manbalariga tayanib Reuters agentligi xabar berdi.
Ma'lumotlarga ko‘ra, mehmonxona xavfsizlik xizmati xodimlari va guruh o‘rtasida otishma sodir bo‘lgan.
Mehmonxona xodimlaridan birining aytishicha, mehmonlar evakuatsiya qilingan, jangarilar binoning birinchi qavatiga kirishga muvaffaq bo‘lishgan.
Hujum oqibatlari haqida ma'lumot berilmagan.
