9061 USD +179.00

10092.1 EUR +163.84

138.47 RUB +2.09

10926.7 GBP +151.91

22:42 / 10.06.2019 21030

«Полковник-миллиардер» Захарченко 13 йилга қамалди

Фото: Сергей Савостьянов / ТАСС

Москванинг Пресненский суди ИИВ офицери Дмитрий Захарченкога пора олиш ва терговга қаршилик кўрсатиш иши бўйича 13 йилга озодликдан маҳрум қилиш ва 117 млн рубль жарима тўлаш жазосини тайинлади.   

Суд Захарченкони ресторатор Меди Дуссдан 800 минг доллар пора олиш иши бўйича оқлади. Судьянинг сўзларига кўра, барча иккиланишлар айбланувчи фойдасига ҳал қилинади.

Аммо суд Дусс Захарченконинг талаби билан унга ўз ресторанларига кириши учун чегирма картасини расмийлаштиргани, натижада полковник қарийб 3 млн рубль маблағини тежаб қолгани ўз исботини топганини билдирди.

Захарченко шунингдек, полковник унвонидан ва олган давлат мукофотларидан ҳам маҳрум этилди, унга икки йил давомида давлат органларида раҳбарлик лавозимларини эгаллаш тақиқланди.

Захарченконинг 2016 йил сентябрда қўлга олиниши катта шов-шувга сабаб бўлганди. Тинтув вақтида унинг ва яқинларининг уйидан 140 млн доллар, 2,2 млн евро ва 374 млн рубль нақд пуллар топилганди.

Top