8584.5 USD +6.14

9673.87 EUR +45.52

136.34 RUB +1.82

10793.3 GBP +50.61

22:00 / 19.06.2019 21747

Наманган туманига янги ҳоким тайинланди

19 июнь куни халқ депутатлари Наманган тумани Кенгашининг навбатдан ташқари сессияси бўлиб ўтди. Унда ташкилий масала кўрилди, деб хабар бермоқда Наманган вилоят ҳокимлиги расмий сайти. 

Депутатлар 2017 йил 23 февралдан бери туман ҳокими бўлиб ишлаб келган Шуҳрат Давроновнинг ўрнига Садриддин Зокирович Мўминовни туман ҳокими этиб тайинлаш тўғрисидаги вилоят ҳокимининг қарорини бир овоздан тасдиқладилар.

Ҳозиргача Молия вазирлигининг Давлат молиявий назорати бош бошқармаси бошлиғи ўринбосари бўлиб ишлаб келган Садриддин Зокирович Мўминов 1970 йилда Чортоқ туманида туғилган, 1991 йилда Тошкент халқ хўжалиги институтини Молия-кредит йўналишида тамомлаган. Ўзбекистон ХДП аъзоси.

Сессияда вилоят ва туман Кенгаши депутатлари, вилоят ҳокимининг ўринбосарлари, ҳокимликнинг гуруҳ, котибият, бўлим бошлиқлари, туман фаоллари, ҳуқуқни муҳофаза қилиш идоралари раҳбарлари, оммавий ахборот воситалари вакиллари иштирок этдилар.

Top