Toshkentda sovuq suv narxi yana oshadi

Toshkentda sovuq suv va oqava suv (kanalizatsiya) narxi navbatdagi marta oshiriladi. “Suvsoz” davlat unitar korxonasida ma'lum qilinishicha, yangi narxlar 24 avgustdan kiritiladi.

Sovuq suv narxi bir kub metri uchun 310 so‘m + 100 so‘m maxsus ustamani tashkil qiladi. Hozirda bu qiymat 280 so‘m + 100 so‘mni tashkil qilmoqda.

Bundan tashqari, kanalizatsiya narxi bir kub metri uchun 250 so‘m + 100 so‘mni (hozir 235 so‘m + 100 so‘m) tashkil qiladi. 

Toshkentda sovuq suv va kanalizatsiya narxi oxirgi marta 2018 yil 22 noyabrda oshirilgan.