Rossiyada dronlardan tashlanuvchi yong‘inga qarshi 250 kilogrammlik aviabomba ishlab chiqilmoqda

“Kronshtadt” kompaniyasi va Rossiyaning bir qator boshqa korxonalari yong‘inlarga  qarshi 250 kglik aviabombani yaratish ustida ishlashmoqda. Bu bombani dronlardan yong‘in o‘choqlariga tashlash taklif qilingan. Bu haqda MAKS aviasalonida kompaniya bosh direktori Sergey Bogatikov ma'lum qildi. 

Bogatikovning ta'kidlashicha, yong‘in o‘chog‘ining kengaymasligini (lokallashtirish) ta'minlaydigan bomba 500 kglik variantda ishlab chiqilgan, hozirda u kompaniya dronlariga moslashtirilib, 250 kglik ko‘rinishga keltirilmoqda.

Mutaxassisning fikricha, yong‘inlarga qarshi kurashda asosiy vazifa yong‘in o‘chog‘ini aniqlab, uning joyini ma'lum qilish va u yerga kelib, joyni dronlarda suratga olib, yong‘inni endi boshlanayotgan vaqtda lokallashtirishga urinib ko‘rishdan iborat. Yangi vosita o‘zidan kukunli o‘t o‘chirgichni aks ettirib, 500 kvadrat metrdan kattaroq joyda ishlaydi.

“Kronshtadt” uzoq masofalarga uchuvchi dronlar, ular uchun bort qurilmalari ishlab chiqish bilan shug‘ullanadi.