Ўзбекистон Республикаси Бандлик ва меҳнат муносабатлари вазири лавозимида ишлаб келган Шерзод Кудбиев Ўзбекистон Республикаси Президентининг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси лавозимига тайинланди ва шу муносабат билан Ўзбекистон Республикаси Бандлик ва меҳнат муносабатлари вазири лавозимидан озод этилди.
Kun.uz манбасининг маълум қилишича, шу вақтгача Ўзбекистон Республикаси Президентининг давлат хизмати ва кадрлар захираси масалалари бўйича маслаҳатчиси лавозими Ўзбекистон Республикаси Президентининг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси деб ўзгартирилган.
Шерзод Қудбиев 2018 йил 12 апрель куни Бандлик ва меҳнат муносабатлар вазири этиб тайинланганди. Қудбиев вазир бўлишидан аввал Тошкент шаҳар Мирзо Улуғбек тумани ҳокими лавозимида ишлаб келаётганди. 1981 йил 12 апрелда Фарғонада туғилган Қудбиев Фарғона политехника институтини молия ва кредит мутахассислиги бўйича тамомлаган.
