Ukraina prezidenti Vladimir Zelenskiy Oliy radada parlament deputatlari o‘zlarining samadorliklarini isbotlashlari uchun bir yil muhlat berganini ma'lum qildi.
"Sizlar o‘tgan 28 yil davomida qilinmagan ishlarni amalga oshira olgan, hech qanday mushtlashuvlar sodir bo‘lmagan parlament sifatida darsliklarga kirish imkoniga egasiz. Sizlardan butun Ukraina iltimos qiladi. Ukrain xalqi manfaati uchun faqatgina konstruktiv va mashaqqatli mehnatingiz talab qilinadi", - dedi Radaga murojaatida.
"Yoki Xudo saqlasin, eng oz – atigi bir yil faoliyat ko‘rsatgan parlament sifatida tarixga kirasiz. Amalda bu sizlar uchun sinov davri. Ishoning, Oliy radani tarqatib yuborish unchalik qo‘rqinchli narsa emas", - dedi Ukraina prezidenti.
