23:53 / 09.09.2019
1
66537
Путин 30 га яқин генерал ва полковникни лавозимларидан бўшатди – ОАВ
Фото: Дмитрий Азаров / Коммерсантъ

Россия президенти Владимир Путин ҳуқуқ-тартибот идораларидан 30 га яқин юқори лавозимдаги шахсларни ўз лавозимларидан бўшатди. Бу ҳақда ўз манбаларига иқтибос келтирган ҳолда “Коммерсант” нашри хабар берди.  

Маълум қилинишича, бу ҳақидаги 425-сонли фармон Путин томонидан 7 сентябрда имзоланган. Хусусан, ўз лавозимларидан Россия тергов қўмитасининг Қрим бўйича бош тергов бошқармаси раҳбари, адлия генерал-лейтенанти Михаил Назаров ва Доғистон бўйича бош тергов бошқармаси раҳбари, адлия генерал-лейтенанти Сергей Дубровин бўшатилган. Бундан ташқари, Дубровиннинг биринчи ўринбосари Тугай Тугаев ҳам ўз лавозимидан олинган. 

Баъзи маълумотларга кўра, Дубровин ва Тугаевнинг бўшатилиши Қорачай-Черкесдан собиқ сенатор Рауф Арашуков ва унинг отаси томонидан ташкил этилган жиноий тўда ишининг тергови билан боғланган.

Шу билан бирга янги тайинловлар амалга оширилган. 

Ушбу хабарга фикрингизни билдиринг. Бунинг учун авторизациядан ўтишингиз керак!
Top