Tramp Eronga nisbatan sanksiyalarni sezilarli darajada kuchaytirishga topshiriq berdi

AQSh prezidenti Donald Tramp moliya vazirligiga Eronga nisbatan sanksiyalarni sezilarli darajada kuchaytirish bo‘yicha topshiriq berdi.

"Hozirgina moliya vazirligiga Eronga qarshi sanksiyalarni sezilarli darajada kuchaytirish bo‘yicha topshiriq berdim", - deb yozdi u Twitter sahifasida.

14 sentyabrga o‘tar kechasi Saudiya Arabistonining Saudi Aramco kompaniyasi zavodlariga dronlar yordamida hujum uyushtirildi. Hujumlar uchun javobgarlikni Yamandagi xusiylar o‘z zimmalariga oldi. AQSh davlat kotibi Maykl Pompeo Eronni bu hujumlarga aloqadorlikda aybladi.

Bunga qadar Bloomberg agentligi Tramp Eronga nisbatan sanksiyalarni yumshatish masalasini muhokama qilgani haqida xabar bergandi.