19:38 / 21.09.2019
2
9443
АҚШ Саудия Арабистонини ҳимоя қилиш учун Форс кўрфазида эсминецини жойлаштирди

АҚШ Саудия Арабистонининг шимоли-шарқий ҳаво кенгликларини мудофаа қилиш учун Форс кўрфазига ракетага қарши мудофаа тизими билан жиҳозланган USS Nitze ("Нитце") эсминецини юборди. Бу ҳақда CBS телеканали хабар берди.

АҚШнинг таъкидлашича, Эрон 14 сентябрь куни Саудия Арабистонининг шимоли-шарқий ҳаво кенгликлари орқали қироллик нефть корхоналарига зарба берган.

Nitze эсминеци 500 км масофага учувчи 74 та SM-3 ракетага қарши ракеталари ҳамда 1,6 минг км масофадаги нишонни йўқ қилувчи Tomahawk ("Томагавк") ракеталари билан жиҳозланган.

Маълумотларга кўра, ҳозирда Форс кўрфази жанубида АҚШнинг яна бир USS Gonzalez ("Гонсалес") эсминеци жойлашган. Яна бир эсминеци эса Форс кўрфазининг марказий қисмида турибди.

Бундан ташқари, Уммон кўрфазида USS Abraham Lincoln ("Авраам Линкольн") атом авиаташувчиси, ракетали крейсер ва иккита эсминецдан иборат зарба берувчи гуруҳ жойлаштирилган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top