Ruhoniy BMT bosh qarorgohining AQShdan boshqa davlatga ko‘chirilishi g‘oyasini qo‘llab-quvvatladi 

Eron prezidenti Hasan Ruhoniy BMT bosh qarorgohining Nyu-Yorkdan boshqa xavfsizroq davlatga ko‘chirilishi g‘oyasini qo‘llab-quvvatladi. 

“Bu muhim qarordir. Agar bizdan so‘ralsa, BMT bosh qarorgohining xavfsizroq va yaxshi davlatga ko‘chirilishi uchun ovoz beramiz”, deb aytgan Ruhoniy Nyu-Yorkdagi matbuot anjumanda.  

Ruhoniy BMT “tinchlik, muloqot uyi” ekanini, AQSh Nyu-Yorkka BMT a'zolarining kelishiga to‘sqinlik qilishga haqqi yo‘qligini ta'kidlab o‘tgan. 

“AQSh qabul qiluvchi davlat sifatida o‘z ustunligidan foydalanmasligi va vizalarni ularga yoqadiganlargagina bermasligi kerak”, deb qo‘shimcha qilgan Eron prezidenti. 

BMT Bosh assambleyasi boshlanishi oldidan AQShning Eron delegatsiyasiga vizalar bermagani bilan mojaro yuz bergandi. Biroq keyinroq Eron delegatsiyasiga viza berilgan.

Avvalroq Rossiya Federatsiya kengashining xalqaro masalalar bo‘yicha qo‘mitasi rahbari Konstantin Kosachev AQSh Rossiyaning BMT Bosh assambleyasiga borishi rejalashtirilgan delegatsiyasi a'zolari – Kosachevning o‘zi, uning davlat dumasi bo‘yicha hamkasbi Leonid Slutskiyga va Rossiya tashqi ishlar vazirligining bir necha xodimlariga viza bermaganini ma'lum qilgan.

AQShning Rossiyadagi elchixonasida ushbu voqeani “xususiy holat” deb atab, izoh berishdan bosh tortilgan. 

Rossiya tashqi ishlar vazirligi vakili Mariya Zaxarovaning ta'kidlashicha, AQSh muammoning texnik xarakterdaligi, viza olishga hujjatlar o‘z vaqtida topshirilmaganiga ishora qilgan. Biroq Zaxarovaning aytishicha, hujjatlar amerikalik diplomatlar ko‘rsatgan muddatlarda topshirilgan.