Migrantlar O‘zbekistonga yil boshidan buyon 4,5 mlrd dollar yuborishdi

Joriy yilning yanvar-sentabr oylarida O‘zbekiston aholisining xalqaro pul o‘tkazmalari hajmi 5,2 mlrd dollarni tashkil qildi. Bu haqda O‘zbekiston Markaziy banki matbuot xizmati xabar berdi.  

Bu qiymatdan aholi tomonidan xorijiy davlatlardan O‘zbekistonga xalqaro pul o‘tkazmalari tizimi orqali 4,5 mlrd dollar jo‘natilgan, O‘zbekistondan xorijiy davlatlarga esa 0,8 mlrd dollar valuta mablag‘lari o‘tkazilgan.

Ma'lum qilinishicha, valuta mablag‘larining xalqaro pul o‘tkazmalari orqali tushumi hajmi 2018 yilning shu davriga nisbatan 18 foizga oshgan: 2018 yilning ilk 9 oyida ushbu qiymat 3,8 mlrd dollarni tashkil qilgan.