15:05 / 29.10.2019
1
13812
Epsilon: «Ўзбекнефтгаз» билан ҳамкорликда ҳисобланган захиралари 10 млн. тн. нефт ва 7 млрд. куб.м. газга тенг бўлган янги Эшонқудуқ кони очилди

Қидирув қудуғидан 30-40 тн. гача нефт ва 50 минг куб.м. гача газ бўлган кунлик ҳажмда углеводородлар оқими олинди.

27 октябрь 2019 й. компания «Ўзбекнефтгаз» АЖ билан ҳамкорликда Қашқадарё вилояти, Қўлтак-Қамаши блокида жойлашган Эшонқудуқ тузилмасининг 3-сонли қудуғида ГРП амалиётини қўллаган ҳолда тўлиқ таъмирлаш ишларини якунлади. 29 октябрда эса янги нефт-газконденсат кони очилганидан далолат берувчи углеводородларнинг саноат оқими олинди.

Аввалроқ Эшонқудуқ тузилмасида «Ўзбекнефтгаз» АЖ томонидан учта қидирув-излов қудуғида бурғилаш ишлари олиб борилган, аммо уларда углеводородлар оқими мавжуд бўлмаганлиги туфайли барча ишлар тўхтатилган эди.

Ҳудуднинг геологик тузилиши борасидаги ҳужжатларни синчиклаб ўрганилиши натижасида компания 3-сонли қудуқда ГРП амалиётини татбиқ этган ҳолда, янги замонавий технологияларни қўллаб, тўлиқ таъмирлаш ишларини олиб бориш тўғрисида қарор қабул қилди. Натижада, ҳисобланган захиралари 10 млн. тн. нефт ва 7 млрд. куб.м. газга тенг бўлган янги кон очилди.

Ишлар замонавий ускуна, илғор услуб ва технологияларни жорий этган ҳолда олиб борилмоқда. Мазкур ишлар якунига етгач, чор-атрофдаги ҳудудларда тупроқни аввалги ҳолига келтириш бўйича ишлар амалга оширилади.

Компания қилинаётган ишлар ҳақида маълумот етказишда давом этади.

Epsilon компанияси Матбуот хизмати

Ушбу хабарга фикрингизни билдиринг. Бунинг учун авторизациядан ўтишингиз керак!
Top