O‘zbekistonda 450dan ortiq ko‘p qavatli uy avariya holatiga kelib qolgan
O‘zbekistonda mavjud 35 mingga yaqin ko‘p qavatli uylarning yarmidan ko‘pi ta'mirtalab ahvolda. 455ta uy esa avariya holatida.

29 oktabr kuni Oliy Majlis Qonunchilik palatasi Sanoat, qurilish va savdo masalalari qo‘mitasining yig‘ilishi bo‘lib o‘tdi. Unda ko‘p qavatli uylarning holatini yaxshilash bo‘yicha renovatsiya dasturini ishlab chiqish masalasi muhokama qilindi.
Yig‘ilishda hisobot bergan Uy-joy kommunal xizmat ko‘rsatish vaziri o‘rinbosari Nazirjon Nazirovga ko‘ra, respublika bo‘yicha jami 34 584ta ko‘p qavatli uylar xatlovdan o‘tkazilgan.
«Mazkur uylarning holati o‘rganilganda ma'lum bo‘ldiki, 13 507ta uy ta'mirga muhtoj emas, 20 622ta uy ta'mirtalab holatga kelib qolgan. Uylarning 455tasi esa avariyali ahvolda.
Ta'mirga muhtoj uylarning 11 172tasini joriy yilda, 7134tasini esa kelgusi yillarda ta'mirdan o‘tkazish rejalashtirilgan», degan Nazirovning so‘zlarini keltirmoqda Kun.uz muxbiri.

Vazir o‘rinbosarining ma'lum qilishicha, avariya holatidagi 455ta uyni instrumental o‘rganish uchun 2 mlrd 64 mln so‘m mablag‘ ajratilgan. Bunday uylar joriy yil yakuniga qadar turli loyihalashtirish institutlari tomonidan instrumental o‘rganiladi. Tahlil natijalariga ko‘ra, bu uylarni buzish, rekonstruksiya qilish yoki ta'mirlash bo‘yicha xulosa qilinadi.
Nazirjon Nazirov mamlakat ko‘p qavatli uy fondining yoshiga doir ma'lumotlarni ham ochiqladi. Unga ko‘ra:
9421ta uy – 1967 yilgacha,
3074ta uy – 1967-1970,
8975ta uy – 1970-1980,
9197ta uy – 1980-1990,
187ta uy – 1990-2000,
428ta uy – 2000-2010,
1302ta uy – 2010-2019 yillarda qurilgan.
Ma'lumot uchun, prezidentning parlamentga murojaatnomasida aholini munosib turar joy bilan ta'minlash maqsadida mavjud ko‘p qavatli uylarning holatini o‘rganish, dunyoning yirik megapolislari tajribasi asosida renovatsiya dasturini ishlab chiqish topshirig‘i berilgan edi.
Renovatsiya dasturi favqulodda holatlarning oldini olish va ko‘p kvartirali uylarda istiqomat qilayotgan fuqarolarning hayot xavfsizligini ta'minlash uchun eskirib qolgan uylar o‘rniga yangi turar joylar qurishni nazarda tutadi.
Renovatsiyada uylarning yerto‘la va tom qismlarini teploizolyatsiya qilish, zamonaviy romlar o‘rnatish, zaruratga ko‘ra tashqi liftlar o‘rnatish, uylarning fasad qismlarini shaharsozlik talablari asosida ta'mirlash, issiqlik ta'minoti tarmoqlarini izolyatsiya qilish ko‘zda tutilgan.
Tavsiya etamiz
Haydovchilar uchun qator yengilliklar e’lon qilindi
O‘zbekiston | 18:04 / 16.05.2025
Shaharlarda yo‘l ta’mirlash ishlari faqat tunda amalga oshiriladi
O‘zbekiston | 17:20 / 16.05.2025
Kameralar yo‘l chizig‘ini bosganlik uchun jarima yozmaydigan bo‘ldi
O‘zbekiston | 16:46 / 16.05.2025
14 yillik qamoqdan prezidentlikkacha. Xose Muxika kim edi?
Jahon | 16:05 / 16.05.2025
So‘nggi yangiliklar
-
Toshkentda bir qator ko‘chalar vaqtincha yopiladi
O‘zbekiston | 23:55 / 17.05.2025
-
«Kristal Pelas» «Man Siti»ni mag‘lub etib, Angliya Kubogini qo‘lga kiritdi
Sport | 23:01 / 17.05.2025
-
Isroil G‘azoda yangi, keng ko‘lamli harbiy operatsiyani boshladi
Jahon | 22:36 / 17.05.2025
-
Shifokor changli havoda amal qilish kerak bo‘lgan tavsiyalarni berdi
Jamiyat | 22:23 / 17.05.2025
Mavzuga oid

18:10 / 25.02.2025
Sirdaryoda renovatsiya dasturi asosida 15 ming xonadonli uy-joylar quriladi

10:35 / 24.02.2025
Buzilayotgan turar va noturar joy obektining bozor qiymati to‘liq qoplab beriladi

20:56 / 25.01.2025
Olamshumul transfer, 7 yil kutilgan qonun va renovatsiyaga start - hafta dayjesti

08:10 / 24.01.2025