Merkelning aytishicha, hukumat 2030 yilga kelib energiyaning 65 foizini qayta tiklanuvchi energiya manbalaridan olishni rejalashtirgan.
Germaniya hukumati elektromobillarni quvvatlash infrastrukturasi qurilishi uchun 3,5 milliard yevro sarflaydi. Bu haqda mamlakat kansleri Angela Merkel ma'lum qildi.
"Bu fundamental o‘zgarish. Iqlim himoyasi, raqamlashtirish, kommunikatsiyalarning rivojlanishi – bular biz avtomobillar rivojlanishi tarixida hali guvohi bo‘lmagan o‘zgarishlardir", - dedi u.
Merkelning aytishicha, hukumat 2030 yilga kelib energiyaning 65 foizini qayta tiklanuvchi energiya manbalaridan olishni rejalashtirgan.
"Biz bugungi kunda Volkswagen ega bo‘lgan elektromobillarni quvvatlash stansiyalarini barcha shaharlarda qurishimiz lozim. Biz yaqin yillar ichida quvvatlash infrastrukturasini barpo etish uchun 3,5 milliard yevro sarflaymiz. Bu rekord summa", - dedi Merkel.
