Turkiyada al-Bag‘dodiyning 25 nafar qarindoshi qo‘lga olindi

Turkiya xavfsizlik kuchlari IShIDning yaqinda yo‘q qilingan yetakchisi Abu Bakr al-Bag‘dodiyning 25 nafar qarindoshini qo‘lga oldi. Bu haqda Anadolu agentligi xabar bermoqda.

Agentlikning ma'lumot berishicha, Turkiya kuch tuzilmalari xodimlari Kirshehir, O‘rdu, Samsun va Shonliurfa viloyatlarida terrorizmga qarshi operatsiyalar o‘tkazgan.

Turkiya bosh prokuraturasi qo‘lga olinganlarning barchasini terrorchilik faoliyatiga aloqadorlikda ayblamoqda.

Avvalroq Suriyada al-Bag‘dodiyning opasi Rasmiya Avaz ushlangani ma'lum qilingandi. Manbaning ma'lum qilishicha, Avaz bilan birga uning turmush o‘rtog‘i, kelini va 5 farzandi ushlangan. 65 yoshli Avaz IShID bilan aloqalarda ayblanmoqda.