EPSILON: «O‘zbekneftgaz» hamkorligida Qashqadaryo viloyatidagi neft-gaz-kondensat konlarida tegishli ishlar davom ettirilmoqda

Mahsuldor qatlamlarda tabiiy gaz qazib chiqarish va gaz uzatish tizimlarini qurish ishlari olib borilmoqda.

4 dekabr kuni qatlamni gidravlik yorish ishlaridan so‘ng Qoratepa konidagi ikkita quduqning kunlik debiti 140 ming kub.m. gaz va 5 tn neft miqdorini tashkil etdi. Hukumat qarorlariga muvofiq, qazib olinayotgan mazkur miqdorlarning hammasi ichki bozorga yo‘naltirilmoqda.

Qoratepa-1 qudug‘ining kunlik debiti 0 dan 80 ming kub.m gaz va 3 tn neft miqdorigacha ortdi.

Qoratepa-8 qudug‘ining kunlik debiti 0 dan 60 ming kub.m gacha gaz va 2 tn neft miqdorigacha ortdi.

Gaz uzatish tizimi uchta qatorining qurilishi:

• «Nazarquduq YP - Sho‘rtanneftgaz» – masofasi 67 km.
• «Tandircha YP - Sho‘rtanneftgaz» – masofasi 45 km.
• «Chigil YP - Muborak GQIZ» – masofasi 110 km.

Quvurlar tortish ishlarining sur'ati kuniga o‘rtacha 4 km ni tashkil etib, ishlar kunu-tun tartibida olib borilmoqda.

“Nazarquduq YP - Sho‘rtanneftgaz” gaz uzatish tizimi pnevmatik sinovlarga tayyorlanmoqda.

4 dekabr holatiga ko‘ra jami:

• Keltirish uchun yuklangan quvurlar – 27,5 ming tn
• Keltirilgan quvurlar – 17,4 ming tn
• Kavlangan zovurlar – 54,9 km
• Payvandlangan quvurlar – 63,7 km
• Yotqizilgan quvurlar – 10,6 km

EPSILON kompaniyasi Matbuot xizmati