Ukrainada eng katta ta'sirga ega kishilar reytingida Soros ikkinchi o‘rinni egalladi

Reytingni tuzishda qatnashgan ekspertlar prezident Zelenskiyni nafaqat egallab turgan lavozimi tufayli, balki saylovlarda saylovchilarning ishonchli qo‘llab-quvvatlashiga (ikkinchi turda 73 foiz ovoz) ega bo‘lgani uchun ham birinchi o‘ringa qo‘yishgan.

Qayd etilishicha, ikkinchi o‘ringa joylashgan Jorj Soros Ukrainadagi o‘nlab ijtimoiy-siyosiy tashkilotlarga homiylik qilish orqali mamlakatdagi jarayonlarga katta ta'sir ko‘rsatmoqda.

Reytingning uchinchi pog‘onasidan ukrainalik milliarder, "Interpayp" konserni egasi Viktor Pinchuk joy oldi. Ma'lum qilinishicha, Pinchuk bilan aloqador deputatlar barcha partiyalardagi fraksiyalarda bor.

Ro‘yxatda to‘rtinchi o‘rinda prezident ofisi rahbari Andrey Bogdan, beshinchi o‘rinda oligarx Igor Kolomoyskiy joylashgan. 

Ukrainaning eng katta ta'sirga ega kishilari reytingida oltinchi o‘rin ichki ishlar vaziri Arsen Avakov, yettinchi o‘rin biznesmen Rinat Axmetovga nasib etdi.

Keyingi o‘rinlarda "Oppozitsionnaya platforma - Za jizn" partiyasi siyosiy kengashi rahbari Viktor Medvedchuk, Ukrainaning sobiq prezidenti Pyotr Poroshenko va sobiq bosh vazir, "Batkivshchina" partiyasi yetakchisi Yuliya Timoshenko joylashgan.