13 dekabr kuni AQShning Florida shtatining Orlando shahrida Oliy Majlisning qonunchilik palatasi deputatligiga muddatidan oldin saylov o‘tkazildi.
22 dekabr kuni O‘zbekistonning AQSh poytaxti Vashington shahridagi diplomatik missiyasiga bora olmaydigan fuqarolarimiz uchun saylash huquqlarini amalga oshirishda zarur shart-sharoitlarni yaratish maqsadida ushbu shtatda ilk bor tashkillashtirildi.
Ovoz berish jarayoni Orlandodagi Marriott mehmonxonasida tashkillashtirildi. Maxsus xona saylov uchastkasi va raqobatlashayotgan siyosiy partiyalardan nomzodlar haqidagi zarur ma'lumotlar bilan jihozlandi. Saylov ochiqcha, yashirin ovoz berish ta'minlangan holda o‘tkazildi.
O‘zbekistonning AQShdagi elchixonasi ma'lumotiga ko‘ra, muddatidan avval ovoz berishning ilk kunida 70 dan ziyod fuqaro ovoz bergan. Saylovchilarning aksariyati saylov uchastkasiga o‘z oilasi bilan kelgan yoshlar ekanligi quvonarli. Florida shtatining qo‘shni shaharlaridan ham kelganlar O‘zbekistondagi demokratik jarayonlarga o‘z hissasini qo‘shishda ularning qat'iyatlaridan darak berib turibdi.
«Biz mamlakatimiz qanday rivojlanishiga, uning siyosati qanday yo‘nalish olishiga, bunda qanday ijtimoiy masalalar hal etilishi kerakligiga befarq qarab tura olmaymiz», — dedi saylovda ovoz bergan vatandoshlarimizdan biri Akmal Tillaxo‘jayev.
Ovoz berish uchun yaratilgan sharoit uchun minnatdorchilik bildirishar ekan, saylovchilar bu yilgi saylov shaffoflik va qonuniylik muhitda o‘tayotganligini ta'kidlashdi.
Fuqarolar saylovchilar ishonchini qozonadigan va muhim ijtimoiy masalalarni samarali hal qila oladigan parlament tizimini yanada mustahkamlash muhimligi haqidagi fikrda yakdil bo‘lishdi.
O‘zbekistonning Vashingtondagi elchixonasi xabariga ko‘ra, muddatidan oldin saylovlar 15 dekabr kuni Atalanta shahrida, Jorjiya shtatida hamda Kanadaning Toronto shahrida o‘tkaziladi.
