«Men og‘riqni ko‘rdim»: jurnalistlar Putinning e'tiborini tortishga qanday urinishdi?

Moskvadagi xalqaro savdo markazida Rossiya prezidenti Vladimir Putinning matbuot anjumani bo‘lib o‘tdi. Unda 1900 nafarga yaqin jurnalist qatnashdi. 

Odatda, OAV vakillari o‘ziga xos plakatlar bilan Putinning e'tiborini tortishga urinishadi. Yillar davomida sinovdan o‘tgan usullardan biri – davlat rahbarining ko‘z oldida katta plakat yoyish. Unda yozuv, rasm, fotosurat bo‘lishi mumkin – asosiysi, hammadan ajralib turish.

"Putin, bay-bay" degan yozuv tutib turgan qiz nima demoqchi", — degandi Putin 2017 yilgi matbuot anjumanida zalga yuzlanarkan. Ammo yaxshiroq e'tibor berilsa, plakatda "babay" degan yozuv yozilgan, uni tataristonlik jurnalist qiz ko‘tarib turgandi. Va u savol berish imkoniyatini qo‘lga kiritgandi. 

RBK bugungi matbuot anjumanida e'tiborni tortgan plakatlarning fotosuratlarini jamladi.

1. Saxalinni benzin narxlaridan qutqaring

2. Bizga tinchlik kerak. Rossiyalik koreyslar

3. Faxriylarni xafa qilishmoqda

4. Gruziyaga yo‘l!!!

5. Suvsiz quriyapmiz

6. Men og‘riqni ko‘rdim

7. “Olovli” savol

8. Xalq xizmatchilarsiz kun kechira oladi

9. Zahar bering