Stomatolog tishlar uchun eng zararli ichimliklarni aytdi
Londonlik stomatolog shifokor Kristofer Orr tishlar uchun qaysi ichimliklar zararli ekanligini aytdi, deb yozadi The Sun.
Mutaxassisning so‘zlariga ko‘ra, tishlarga eng ko‘p zararni gazlangan ichimliklar yetkazadi. Ular tarkibida yuqori darajadagi kislotalilik va ko‘p miqdorda shakar bo‘lishi bois tish emalini parchalaydi.
Shifokor gazlangan ichimliklarni yarim soat oraliqda ichish kerakligini aytdi. Organizmning tabiiy himoyachisi bo‘lgan tupuk ajralib chiqishi uchun aynan shuncha vaqt lozim bo‘ladi.
"Ichimlikni bir necha soat davomida ichaversangiz, organizmda tupuk ajralib chiqishi uchun imkoniyat qolmaydi", — dedi Orr.
U shuningdek, har qanday vino tishlar uchun zararli ekanini, ayniqsa oq vinoda kislota yuqori darajada ekanligini aytdi.
Shifokor tish emalini saqlab qolish uchun ichimliklarni naycha orqali ichish va ho‘plamlar orasida og‘izni suv bilan chayishni tavsiya qildi.
Mavzuga oid
21:01 / 09.09.2024
Quyoshda qora plazma otildi: Yerda kuchli magnit bo‘roni bo‘ladi
18:18 / 07.09.2024
Kuzda ko‘z kasalliklari avj olishi sababi tushuntirildi
20:54 / 16.08.2024
Olimlar odamlarning ikki bosqichda qarishini aniqladi
16:43 / 14.08.2024