21:02 / 30.12.2019
2
13072

Xitoyda inson genini tahrirlash bilan shug‘ullangan olim panjara ortiga jo‘natildi

Foto: AR/TASS

Xitoyda inson embrionini genetik tahrirlash bilan shug‘ullangan olim Xe Tszyankuy 3 yillik qamoq jazosiga hukm qilindi. Bu haqda “Bi-bi-si” xabar berdi. 

2018 yil noyabrda olim genetik tahrirlangan embrionlardan dunyodagi birinchi bolalar tug‘ilganini e'lon qilgan. Olimning aytishicha, u egizak qizlar DNK kodini ular OIVga chalinmaydigan qilib o‘zgartirgan.

Xe Tszyankuy o‘z tajribalari haqida ma'lum qilgandan keyin jahon ilmiy hamjamiyati tomonidan tanqidga uchragan. U inson embrionlari bilan shaxsiy tajribalar o‘tkazishga taqiqni buzganlikda aybdor deb topilgan.  

Olimga qamoq jazosidan tashqari 3 mln yuan (430 ming dollar) miqdorida jarima solingan. Shuningdek, u Shenchjen universitetidan bo‘shatib yuborilgan.

Olimga tajribalarni o‘tkazishda yordam bergan ikki shogirdi kamroq muddatga jazolangan.

Sud genetiklarni shaxsiy manfaat olish va shon-shuhrat qozonish maqsadida harakat qilgan deb topgan. 

“Sinxua” axborot agentligining xabar berishicha, olim e'lon qilgan egizaklardan tashqari, tajribalar vaqtida OIVga chalinmaydigan yana bir bola tug‘ilgan.  

Hukumatning ma'lum qilishicha, hozirda ushbu bolalar shifokorlar kuzatuvida qolmoqda.

Mavzuga oid
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top