Eronning BMTdagi vakili general Sulaymoniy o‘limi uchun harbiy yo‘l bilan javob qaytarilishini aytdi

Eronning BMTdagi doimiy vakili Majid Taxt-Ravonchi general Qosim Sulaymoniyning o‘limi uchun Tehron harbiy yo‘l bilan javob qaytarishini aytdi.

Foto: Reuters

"Harbiy aksiyaga javob - harbiy aksiya bo‘ladi", - dedi u CNN telekanaliga bergan intervyusida va qasos "qaqshatqich bo‘lishi"ni qo‘shib qo‘ydi.

Uning so‘zlariga ko‘ra, Sulaymoniyning o‘ldirilishi "Eronga qarshi urush boshlash bilan barobar".

Taxt-Ravonchi shuningdek, amerikalik siyosatchi va harbiylarning Sulaymoniy AQSh xavfsizligiga tahdid solgani to‘g‘risidagi iddaolarini rad etdi va bu ayblovga dalil keltirishlarini talab qildi.

Avvalroq Pentagon Sulaymoniy Bag‘dod aeroportiga raketa zarbasi berilishi oqibatida halok bo‘lganini ma'lum qilgandi. U shaxsan Donald Trampning topshirig‘i bilan amalga oshirilgan operatsiya natijasida halok bo‘ldi.

Eronning oliy rahnamosi oyatulla Ali Homanaiy Sulaymoniyning o‘limi uchun qasos olinishiga va'da berdi.

Tayyorlagan Дилшод Аскаров

#Eron #Qosim Sulaymoniy

Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.