22:42 / 06.01.2020
1
21702
Олтин нархи рекорд даражага кўтарилди
Фото: REUTERS

Олтин нархи 2,3 фоизга ошди ва 2013 йил апрелдаги рекорддан ошиб кетди. Ҳозирда унинг бир унцияси (31,1 грамм) 1588,13 долларга етди. Нарх кўтарилишига Яқин Шарқдаги вазиятнинг кескинлашиши сабаб бўлди, деб хабар бермоқда Bloomberg агентлиги.

Бошқа қимматбаҳо металлар нархи ҳам ошиб кетди. Палладийнинг бир унцияси баҳоси рекорд - 2030,28 долларга етди.

Кумуш нархи ҳам максимумни қайд этди ва бир унцияси 18,5081 долларни ташкил қилмоқда.

Агентликнинг ёзишича, Goldman Sachs таҳлилчилари олтин нархи нефт нархига нисбатан тезроқ ошишини кутишмоқда.

2 январдан 3 январга ўтар кечаси Ироқда Америка армиясининг зарбаси оқибатида Эрон генерали Қосим Сулаймоний ҳалок бўлгач, АҚШ ва Эрон ўртасидаги муносабатлар кескинлашди.

Мавзу
Қосим Сулаймонийнинг ўлдирилиши
Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top