Навоий шаҳар Янги бозор мавзеси ҳудудидаги 4 қаватли савдо марказида ёнғин содир бўлди. Kun.uz мухбирлари 16 январь соат 23:00га яқин ёнғин содир бўлган ерга етиб боришди ва бу вақтда ёнғин бартараф этилганди.

Маҳаллий аҳоли орасидаги гувоҳларнинг айтишича, савдо маркази ичидан ҳеч нарсани олиб чиқишнинг имкони бўлмаган. Эътиборлиси, аҳоли вакиллари бу бино ўрнида олдин ҳам савдо мажмуаси бўлгани ва у ҳам ўз вақтида ёниб кетганини айтишди.

Айни дамда бино ИИБ ва миллий гвардия ходимлари томонидан ўраб олинган. Ёнғин тафсилотлари ҳақида батафсил маълумот берилади.