09:24 / 16.01.2020
0
17988
Ўзбекистонда учта моделдаги автомобилни имконияти чекланган ҳайдовчилар учун жиҳозлаш бошланди
Фото: UzAuto Motors

UzAuto Motors компанияси имконияти чекланган, оёқларида нуқсони бўлган ҳайдовчиларга мослаштириш учун, қўл билан бошқариладиган махсус қурилма билан қайта жиҳозлашни бошлади. 

Қўлда бошқариш қурилмаси харидорнинг буюртмасига асосан Cobalt, Gentra ҳамда Spark русумли автомобилларга расмий дилерлик марказларида ўрнатилади. Қурилма Ўзбекистон давлат стандартлаштириш Агентлигининг барча талабларига жавоб беради.

Таянч-ҳаракат аъзоси функцияси бузилган ҳайдовчилар учун мўлжалланган махсус мослама фақат тўлиқ қурилманинг зарурий элементлари билан жиҳозланган.

Ускунани ўрнатиш бўйича саволлар билан ваколатли дилерларга мурожаат қилиши мумкин экани айтилади.

Билдирилишича, бугунги кунда дунёда бир миллиардга яқин имконияти чекланган инсонлар бор, шу жумладан Ўзбекистон Республикасида улар қарийб 600 минг нафарни ташкил қилади. Кўпгина ногиронлар кундалик ҳаётда турли хил муаммоларга дуч келишмоқда, бу уларнинг жамиятнинг сиёсий, ижтимоий, иқтисодий ва маданий ҳаётидаги фаол иштирокига салбий таъсир қилади.

Ушбу хабарга фикрингизни билдиринг. Бунинг учун авторизациядан ўтишингиз керак!
Top