22:35 / 26.01.2020
1
8625
Қозоғистон коронавирус сабабли Хитой учун визасиз режимни тўхтатди

Қозоғистон бош вазири Аскар Мамин Хитойда тарқалган коронавируснинг тарқалишига йўл қўймаслик ва Қозоғистонда унинг олдини олишга қаратилган чоралар бўйича йиғилиш ўтказди.

“Қозоғистон президенти Қосим-Жўмарт Тўқаев Хитойдаги коронавируснинг Қозоғистон ҳудудида тарқалишига йўл қўймаслик бўйича қатъий чоралар кўришни буюрди”, деб айтган Мамин йиғилишда.

Йиғилиш якунларига кўра бош вазир қуйидаги чораларни кўришни топширган:

  • давлат чегарасидаги, жумладан ҳаво, автомобил ва темир йўл транспорти объектлари ўтказиш пунктларида санитар-эпидемиологик ва миграцион назоратни кучайтириш;
  •  Хитойдан келаётган барча шахслар ортидан уларнинг яшаш жойи бўйича тиббий кузатув ўрнатиш; 
  •  Хитойга хизмат сафарларини чеклаш ҳамда шахсий ва сайёҳлик мақсадларида Хитойга бормай туришни тавсия қилиш; 
  •  Хитойдан келаётган транзит йўловчилар учун Қозоғистон ҳудудида 72 соат давомида визасиз қолиш режими амал қилишини тўхтатиш;
  •  “Хоргос” халқаро чегарабўйи ҳамкорлиги марказининг Қозоғистондаги қисми ишини вақтинчалик тўхтатиш;
  •  Хитойдаги Қозоғистон фуқароларига консуллик ва бошқа ёрдам кўрсатиш мақсадида улар билан ишларни фаоллаштириш;
  •  зарурат бўлганда Ухандаги қозоғистонлик талабалар ва бошқа фуқароларнинг фавқулодда эвакуациясини таъминлаш.
Мавзу
Хитой коронавируси
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top