Bill Geyts yangi koronavirusga qarshi kurashga 10 mln dollar xayriya qildi

Dunyoning eng boy odamlari uchligiga kiruvchi amerikalik milliarder Bill Geyts va uning rafiqasi Melinda Geytsning jamg‘armasi Xitoyda tarqalgan yangi turdagi koronavirusga qarshi kurash uchun 10 mln dollar ajratishini e'lon qildi. 

Ta'kidlanishicha, jamg‘arma koronavirusga qarshi Xitoyda kurashish uchun 5 mln dollar ajratadi.  

Qolgan 5 mln dollar Afrikadagi kasalliklarni nazorat qilish va oldini olish markazlariga “qora qit'a”da koronavirus tarqalishi bo‘yicha himoya choralari, jumladan virus bilan bog‘liq vaziyatni skrining qilish, laboratoriya tadqiqotlari o‘tkazish, bemorlarni davolash uchun ajratiladi. 

27 yanvar ma'lumotlariga ko‘ra, Xitoyda koronavirusdan halok bo‘lganlar soni 81 nafarga yetgan, qariyb 3 ming kishi virusdan zararlangan.