22:56 / 09.02.2020
0
13138
Хитой коронавирусга қарши курашга 10 млрд доллардан кўпроқ маблағ ажратди 

Хитой айни вақтга келиб янги турдаги коронавирус тарқалиши олдини олиш учун 71,8 млрд юан (10,3 млрд доллар) маблағ ажратди. 

Фото: Reuters

Хитой айни вақтга келиб янги турдаги коронавирус тарқалиши олдини олиш учун 71,8 млрд юан (10,3 млрд доллар) маблағ ажратди. 

Бу ҳақда Хитой молия вазирлиги маълум қилди.

“Янги турдаги коронавирус келтириб чиқарувчи зотилжам авж олиши бошиданоқ биз ўз зиммамизга молиявий мажбуриятларни олдик, эпидемияга қарши кураш учун молиялаштиришни кўпайтирдик”, деб айтилган хабарда. 

Маълум қилинишича, 8 февраль ҳолатига кўра, Хитойнинг барча даражадаги молиявий муассасалари коронавируснинг олдини олишга 71,8 млрд юан ажратган.

Бу қийматдан марказий ҳукумат 17,3 млрд юанини (2,5 млрд доллар) ажратган.

Таъкидланишича, маблағлар фуқароларнинг диагностика ўтказиши ва даволана олишлари учун йўналтирилади. “Воситалар, шунингдек, вирусга қарши ҳар бир ҳудуднинг саъй-ҳаракатлари молиявий чекловларга эга бўлмаслигига қаратилади”, дейилган хабарда.  

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top