22:12 / 10.02.2020
0
5731
АҚШ коронавирус сабабли Хитойда виза беришни тўхтатди

АҚШ янги турдаги коронавирус тарқалиши сабабли 10 февралдан Хитойда виза беришни тўхтатди. 

Фото: WeChat

Бу ҳақда АҚШнинг Пекиндаги элчихонаси сайтида маълум қилинган.

Хабарда таъкидланишича, 10 февралдан АҚШнинг Пекиндаги элчихонаси ҳамда Ченду, Гуанчжоу, Шанҳай ва Шэньяндаги бош консулхоналари виза хизматлари кўрсатишни тўхтатади. Коронавирус билан боғлиқ ҳолда юзага келган вазият ва “ходимлар сони чекланганлиги” сабабли АҚШнинг дипломатик ваколатхоналари виза хизматлари кўрсатилиши борасидаги сўровларга жавоб бера олмаслиги маълум қилинган. Шу билан бирга, дипломатлар “фавқулодда вазият” юзага келса, ёрдам беришга тайёрликларини билдирганлар. 

АҚШ коронавирус сабабли 2 февралдан америкаликларга Хитойга боришга чеклов ва охирги 14 кун ичида Хитойда бўлган хорижликларга АҚШга киришга тақиқлов жорий қилганди. Шунингдек, АҚШ давлат департаменти Хитойдаги дипломатик идоралари ходимларининг қисман эвакуация қилинишига рухсат берган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top