21:12 / 25.02.2020
0
15290
Руҳоний Эронда коронавирус билан боғлиқ вазиятга изоҳ берди

Эрон президенти Ҳасан Руҳоний мамлакатда коронавирус тарқалиши билан боғлиқ вазиятдан душманлар фойдаланишга уринаётганини айтди. 

Унинг айтишича, Эрон коронавирус тарқалиши устидан назорат ўрнатишга яқин турибди, душманлар эса пайтдан фойдаланиб одамлар орасида ваҳима кўтаришга ҳаракат қилмоқда.

Руҳонийнинг бу сўзлари Эронда коронавирусга чалинганлар сони 100 нафарга яқинлашаётгани, жумладан 15 киши касалликдан вафот этгани ҳақидаги маълумотлар ортида янгради.

“Соғлиқни сақлаш вазирлиги тақдим қилган баёнот умид бермоқда, чунки ушбу вирусни назорат қилишга тенденция кузатилмоқда. Кўплаб шаҳарларда шифокорларга мурожаатлар сони анча камайган, зеро аввалги кунларда улар кўп бўлганди”, деб маълум қилган Руҳоний Эрон телевидениеси орқали.           

“Коронавирусга чалинганлар орасида шифо топаётганлар сони ҳам ошмоқда”, деб қўшимча қилган президент. 

Унинг таъкидлашича, “душманлар” жамиятда ваҳима кўтаришга уринмоқда, бироқ одамлар коронавирус туфайли хавотирланмасалар бўлади.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top