Turkiya Suriya hukumat qo‘shinlariga qarshi yangi amaliyotni boshladi

Turkiya Suriyaning Idlib viloyatida hukumat qo‘shinlarining 27 fevraldagi aviazarbalaridan keyin “Bahor qalqoni” deb nomlangan harbiy amaliyotni boshladi.

Foto: EPA/arxiv

Turkiya mudofaa vaziri Xulusi Akarning ta'kidlashicha, amaliyotdan yagona maqsad Bashar Asad qo‘shinlari va bu hududda turk harbiylariga hujum qilayotgan bo‘linmalardan himoyalanish hisoblanadi.

“Suriya tuzumining 2200 ga yaqin harbiysi, uchuvchisiz parvoz qurilmasi, 8 ta vertolyot, 103 ta tank, o‘nlab gaubitsalar, uchta havo hujumiga qarshi mudofaa tizimi yo‘q qilindi”, deb aytgan vazir.

Avvalroq Turkiya SIHA dronlarini qo‘llab, Suriya hukumat qo‘shinlarining yuqori lavozimli harbiylari joylashgan binoga zarba bergan. Hujum oqibatida 124-polk qo‘mondoni, brigada generali Burhon Ramune, polkovnik Mazin Firvatiy va yana bir harbiy Ismoil Ali halok bo‘lgan.

Tayyorlagan Шуҳрат Раҳимов

#Turkiya #Suriya #Bahor qalqoni

2019 yil dekabrida Suriya armiyasi Idlibni to‘liq egallash uchun yurish boshladi. Turkiya esa Suriya shimolidagi ittifoqchilarini himoya qilish uchun bu hududdagi kuzatuv postlariga minglab harbiylarini jo‘natdi va ikki tomon o‘rtasida to‘qnashuvlar ro‘y bera boshladi.