21:52 / 03.03.2020
0
35557
Хитойни яна бир офат кутмоқда: бу сафар чигирткалар ёпирилиши 

Хитойнинг қишлоқ хўжалиги ва яйловлар ишлари бўйича давлат бошқармаси мамлакатнинг жануби-ғарбий ва шимоли-ғарбий туманлари деҳқонларини яқин орада чигирткалар ёпирилиши мумкинлигидан огоҳлантирди. Ҳукумат ушбу ҳолатнинг салбий таъсирларини минималлаштириш учун барча имкони бор ишни қилади.

Фото: Alchetro

Бошқарма баёнотда таъкидланишича, жорий йилнинг илк икки ойида чигирткалар ёпирилиши Африканинг бир қатор давлатлари иқтисодиётига катта талофат етказган. Жануби-Ғарбий Осиё давлатлари ҳам хавф остида қолди. Бу ердан ҳашаротлар Хитойга тезда ўтиши мумкин. “Гап озиқ-овқат хавфсизлиги ҳақида бормоқда ва биз бу масалага синчковлик билан эътибор қаратишимиз лозим”, деб айтилган баёнотда.

Расмий маълумотларга кўра, Хитойда чигиртка ҳар йили 10 млн гектарга яқин ердаги экинларга зиён етказади. Мамлакат ушбу ҳашаротларга қарши курашиш бўйича бой тажриба ва синовдан ўтган технологияларга эгалигига қарамасдан, Ҳиндистон ва Покистонга чигиртка ёпирилганидан хавфсирамоқда.    

“Натижада Хитой ҳам хавф остида қолди. Вазиятни назорат қилиш учун ҳудудлардан ҳаракатларнинг ўзаро мувофиқлиги талаб этилади. Ҳамкорликни ахборот ва технологиялар билан таъминлаб фаоллаштириш лозим”, деб айтилган баёнотда.  

Чигиртка бир кун ичида 120 км масофани учиб ўта олади. Чигирткаларнинг улкан тўдасида ярим миллиардгача ҳашарот бўлиши мумкин. Бу тўдалар йўлида учраган ўсимликни еб тугатади.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top