Ozarboyjonda Navro‘z bayrami tadbirlari bekor qilindi

Jahon sog‘liqni saqlash tashkiloti bilan maslahatlashuvlardan so‘ng barcha ommaviy tadbirlarni boshqa vaqtga ko‘chirishga qaror qilindi.

Foto: minval.az

Ozarboyjon hukumati mamlakatda Navro‘z bayrami tadbirlarini o‘tkazishni bekor qildi. Bu haqda mamlakat koronavirusga qarshi kurashish bo‘yicha operativ shtabi ma'lum qildi.

Shtab Jahon sog‘liqni saqlash tashkiloti bilan maslahatlashuvlardan so‘ng barcha ommaviy tadbirlarni boshqa vaqtga ko‘chirishga qaror qildi.

Ozarboyjonda Navro‘z bayrami munosabati bilan 20 martdan 27 martgacha dam olish kunlari e'lon qilinadi.

Ma'lumotlarga ko‘ra, Ozarboyjonda koronavirusga chalinish bilan bog‘liq 13ta holat qayd etilgan. Dunyo bo‘yicha esa koronavirus yuqtirganlar soni 115 ming nafardan oshgan.