Bog‘chalar vaqtincha ishlamaydi. Ishlovchi ota-onalar qanday yo‘l tutadi?
Karantin sababli bog‘chaga bormaydigan bolaning tashkilotda ishlovchi qarovchisiga 14 kungacha mehnatga layoqatsizlik varaqasi berilishi mumkin.

Ma'lumki, 16 martdan boshlab O‘zbekistondagi barcha bog‘chalar, maktablar va oliy ta'lim muassasalari koronavirus tarqalishiga qarshi profilaktika maqsadida karantinga yopiladi.
Shu munosabat bilan tahririyatga aynan maktabgacha ta'lim muassasalarining karantinga yopilishi sabab, korxona, muassasa va tashkilotlarda ishlovchi bog‘cha yoshidagi bolalari bor ota-onalarning bolaga qarash uchun ishga bora olmasligiga oid savollar kelib tushmoqda.
Darhaqiqat, bog‘chalarning vaqtincha ishlamasligi bolalarga uy sharoitida qarovni tashkil etishni talab qiladi. Bunday vaziyatda bog‘chaga boruvchi bolalarning qarovchilari qanday yo‘l tutmog‘i lozim?
Adliya vazirligida 2015 yil 17 aprel kuni 2667-son bilan ro‘yxatga olingan Mehnatga layoqatsizlik varaqalarini berish tartibi to‘g‘risidagi yo‘riqnomaning 37-bandida maktabgacha ta'lim muassasasida yoki olti yoshga to‘lmagan bolaga o‘rnatilgan karantin davrida bolaga qarash uchun ota-onasidan biriga yoki oilaning boshqa a'zosiga sanitariya-epidemiologiya nazorati markazi tomonidan karantin belgilangan, lekin o‘n to‘rt kalendar kunidan oshmagan muddatga mehnatga layoqatsizlik varaqasi berilishi nazarda tutilgan.
Mazkur yo‘riqnoma talabiga ko‘ra, karantinda mehnatga layoqatsizlik varaqasi O‘zbekiston Respublikasi Sog‘liqni saqlash vazirligi yoki Qoraqalpog‘iston Respublikasi sog‘liqni saqlash vazirligi va sog‘liqni saqlash boshqarmalarining ruxsati asosida epidemiolog yoki sanitar vrach tomonidan berilishi mumkin.
Tavsiya etamiz
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
O‘zbekistonda keyingi hafta jazirama issiq bo‘ladi
O‘zbekiston | 15:46 / 13.06.2025
G‘arb Isroil Eronga zarba berishidan xavotirda. Bu haqda nimalar ma’lum va oqibatlar qanday bo‘lishi mumkin?
Jahon | 21:01 / 12.06.2025
Qizaloqqa qarshi armiya: Greta Tunberg G‘azoga yetib borolmadi
Jahon | 17:45 / 11.06.2025
So‘nggi yangiliklar
-
Xitoy o‘zining yadroviy arsenalini hammadan tezroq kuchaytirmoqda
Jahon | 08:41
-
Soliq idorasi mansabdorining noqonuniy harakati fosh qilindi
Jamiyat | 08:27
-
Eronda Isroil hujumlari qurbonlari soni 224 nafarga yetdi - Eron Sog‘liqni saqlash vazirligi
Jahon | 07:12
-
Erondagi Fordo yadroviy markazi yaqinida zilzila kuzatilgan
Jahon | 07:06
Mavzuga oid

00:30 / 09.06.2025
Xitoyda global pandemiyaga olib kelishi mumkin bo‘lgan yangi koronavirus aniqlandi

18:46 / 31.05.2025
Qashqadaryodagi bog‘chada 2 yoshli qiz ariqqa cho‘kib halok bo‘ldi

11:25 / 30.05.2025
SSV: O‘zbekistonda koronavirus bilan bog‘liq epidemiologik vaziyat barqaror

17:25 / 29.05.2025