21:50 / 16.03.2020
10650
Фото: Талабалар шаҳарчасидан 30 мингга яқин талаба уйига жўнатилди

16 март куни Тошкент шаҳридаги ОТМларда таҳсил олаётган талабаларни доимий яшаш жойларига кузатиш ишлари бошланди. Бу ҳақда Олий ва ўрта махсус таълим вазирлиги хабар берди.

Фото: Олий ва ўрта махсус таълим вазирлиги

Асосан Тошкент молия институти, Ўзбекистон Миллий университети, Ислом академияси, Тошкент давлат техника университети талабалари вазирлик ҳузуридаги «Маънавият ва маърифат маркази» биноси ҳудудидан тезюрар автобусларда манзилларига жўнатилди.

Айни вақтга қадар 30 000 нафарга яқин талаба марказлаштирилган тартибда Тошкент шаҳридан ўзлари яшайдиган вилоятларга жўнаб кетди.

Фото: Олий ва ўрта махсус таълим вазирлиги

«Талабаларга қулайлик яратиш мақсадида марказ биносида имтиёзли чипталар сотилиши йўлга қўйилди ва бир вақтнинг ўзида автобусларда кетиш имконияти яратилди», – дейилади хабарда.

Фото: Олий ва ўрта махсус таълим вазирлиги
Фото: Олий ва ўрта махсус таълим вазирлиги

Жараён барча талабаларни ўз манзилларига кузатишни қамраб олади ва 16 мартда ҳам давом этади.

Эслатиб ўтамиз, 16 мартдан эътиборан ҳам давлат, ҳам нодавлат ОТМларда ўқиш тўхтатилиб, ўқувчи-талабалар икки ҳафта муддатга (ҳозирча) таътилга чиқарилди.

Фото: Олий ва ўрта махсус таълим вазирлиги
Фото: Олий ва ўрта махсус таълим вазирлиги
Фото: Олий ва ўрта махсус таълим вазирлиги
Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top