Toshkent IIBBga yangi boshliq tayinlandi

Toshkent shahar Ichki ishlar bosh boshqarmasiga yangi rahbar tayinlandi.

Ichki ishlar vazirligi matbuot xizmati xabar berishicha, polkovnik Aziz Anvarovich Toshpo‘latov Ichki ishlar vaziri o‘rinbosari - Toshkent shahar IIBB boshlig‘i lavozimiga tayinlangan.

Aziz Toshpo‘latov 2019 yilning yozidan buyon O‘zbekiston Respublikasi Ichki ishlar vazirining birinchi o‘rinbosari lavozimida faoliyat yuritib kelayotgandi. U muqaddam Samarqand viloyati Ichki ishlar boshqarmasi boshlig‘i sifatida ishlagan.

Bundan avvalroq, Toshkent shahar IIBBning sobiq boshlig‘i Rustam Jo‘rayev Bahodir Toshmatov o‘rniga Milliy gvardiya qo‘mondoni bo‘lgani xabar qilingandi.