22:43 / 18.03.2020
15741
Жаҳон соғлиқни сақлаш ташкилоти коронавирусга қарши вакцина синовдан ўтказила бошлаганини маълум қилди

Бутун дунёдаги тадқиқотчиларга синов дориларини тизимли равишда баҳолаш тавсия этилмоқда.

Фото: РИА Новости / Нина Алексеева

Коронавирусга қарши вакцина дастлабки синовдан ўтказила бошланди. Бу ҳақда Жаҳон соғлиқни сақлаш ташкилоти бош директори Тедрос Адханом Гебрейесус маълум қилди.

"Вируснинг генетик кетма-кетлиги аниқланганидан атиги 60 кун ўтиб вакцинанинг дастлабки синовлари ўтказилиши бошланди. Бу тасаввур қилиб бўлмас муваффақият. Биз бутун дунёдаги тадқиқотчиларга синов дориларини тизимли равишда баҳолашни тавсия этмоқдамиз", - деди у.

Аввалроқ АҚШда коронавирусга қарши вакцинанинг дастлабки клиник синовлари ўтказилгани тўғрисида хабар берилганди.

Бугунга келиб дунё бўйлаб 160дан ортиқ давлатда 190 мингдан ортиқ инфекция ҳолати тасдиқланган; коронавирус 7,5 минг кишининг ҳаётига зомин бўлди.

Top