«Men siz uchun ishda qolmoqdaman. Siz biz uchun uyda qoling»: Dunyo shifokorlari odamlarni uyda qolishga chorlovchi fleshmob e'lon qilishdi

Butun dunyo shifokorlari koronavirus epidemiyasi sababli ijtimoiy tarmoqlarda odamlarni karantin vaqtida uyda qolishga chorlovchi fleshmob e'lon qilishdi.

Fleshmobni malayziyalik shifokor Ji Tik Sheng boshlab bergan.

U Facebook’da “Men siz uchun ishda qolmoqdaman. Siz biz uchun uyda qoling” deb yozilgan varaqni ushlab turgan suratni e'lon qilgan.

O‘zbekistonlik shifokorlar ham fleshmobga qo‘shilib, ish joylarida shunday murojaat yozilgan varaqni ushlab tushgan suratlarini ijtimoiy tarmoqlarda joylashtirmoqdalar.