Toshkentda masofadan ishlashga o‘tish yoki xodimlarni ta'tilga chiqarish tavsiya qilindi

Shahar hokimligi izohiga ko‘ra, jamoat transportining faoliyatini to‘xtatish to‘g‘risidagi qarorning 21 mart kuni qabul qilininishida ish haftasini 24 mart kunidan boshlanishi inobatga olingan.

«Aynan shu vaqt oralig‘ida tashkilot va muassasalar rahbarlari vujudga kelgan vaziyatdan kelib chiqib, xodimlarini ishxonalarga kelish-ketishini tashkil etish bo‘yicha masalalarni hal etishiga imkoniyat yaratildi.

Mabodo tashkilotlar tomonidan xodimlarini ish joylariga keltirish va uyiga qaytarish bo‘yicha transport logistikasida muammolar paydo bo‘lsa, ishni xodimning uyidan masofaviy tashkil etish yoki xodimlarni ta'tilga chiqarish masalasini ko‘rib chiqish tavsiya etiladi», – deyiladi hokimlik xabarida.

Eslatib o‘tamiz, koronavirus tarqalishining oldini olish maqsadida jamoat transporti o‘rniga vaqtinchaToshkent shahar Sanitariya epidemiologik osoyishtalik markazi tomonidan maxsus dezinfeksiya qilingan taksilar harakatlanadi.

Har kuni yo‘nalishga chiqqan har bir taksiga shahar SeOM tomonidan dezinfeksiya qilingani haqida ma'lumotnoma beriladi.